СОЁЛЫН ӨВИЙН ҮНДЭСНИЙ ТӨВИЙНХӨН "ХАРИЛЦАН ХҮНДЭТГЭЕ" АЯНД НЭГДЭЖ БАЙНА
Жендэрийн үндэсний хорооноос Швейцарын хөгжлийн агентлаг, НҮБ-ын Хүн амын сангийн “Жендэрт суурилсан хүчирхийлэлтэй тэмцэх нь” төслийн дэмжлэгтэйгээр Олон улсын эмэгтэйчүүдийн эрхийг хамгаалах өдөр, Монгол цэргийн өдрийг тохиолдуулан үндэсний хэмжээний “ХАРИЛЦАН ХҮНДЭТГЭЕ” аяныг 3 дугаар сарын 01-ний өдрөөс 4 дүгээр сарын 01-ний өдрийг дуустал нэг сарын хугацаанд зохион байгуулж байна.
Энэ удаагийн “Харилцан хүндэтгэе” аян нь Жендэрийн Үндэсний Хорооноос харилцан хүндэтгэлтэй байя, гэр бүл, хүний эрхийн асуудал эрэгтэй, эмэгтэй хүн бүрийн асуудал юм гэдэг агуулгаар хамтад нь зохион байгуулж буйгаараа онцлогтой.
Жил бүр уламжлал болон зохион байгуулагддаг энэхүү аянд Соёлын өвийн үндэсний төвийн хамт олон нэгдэж байна.Хайраа хайрлая, Хандлагаа өөрчилье, Хамтдаа үлгэрлэе.