Монгол Улсын урт хугацааны бодлого “Алсын хараа -2050”-ын зорилтын 1.1.4 дүгээр заалт, 2024-2028 оны АЗДҮА-ны хөтөлбөрийн 4.5.3 дугаар заалт, Соёлын өвийг хамгаалах тухай хуулийн 50.1 дүгээр зүйлд заасны дагуу , Соёлын өвийн талаарх мэдлэг олгох, түүнийг хамгаалах, сурталчлах арга хэмжээг зохион байгуулах ажлын хүрээнд “ГОВЬСҮМБЭР АЙМГИЙН АРХЕОЛОГИЙН СУДАЛГАА - 2020-2025” үзэсгэлэн, тайлант уулзалтын нээлтийн үйл ажиллагаа 2025 оны 3 дугаар сарын 19-ний өдөр амжилттай зохион байгуулагдлаа. 

Үзэсгэлэн, тайлант уулзалтыг нээж Говьсүмбэр аймгийн ИТХ-ын дарга Ш.Билэггүмбэрэл үг хэлж, Говьсүмбэр аймгийн Засаг даргын орлогч дарга Б. Наранбаатар, Сүмбэр сумын Засаг дарга Э.Даваадорж, Сүмбэр сумын ИТХ-ын дарга Т.Түмэнбаяр, Говьсүмбэр аймгийн Соёл, Урлаг, Аялал Жуулчлал, Залуучуудын газрын дарга Б.Энхтөр нар мэндчилгээ дэвшүүллээ.

Үзэсгэлэнг Говьсүмбэр аймгийн Соёл, Урлаг, Аялал Жуулчлал, Залуучуудын газрын Соёлын өвийн асуудал хариуцсан мэргэжилтэн Б. Лхагвамаа танилцуулав. 

Хуралд ШУА-ийн Археологийн хүрээлэнгийн Хүннү ба эртний улсуудын судалгааны салбарын эрхлэгч, доктор (Ph.d) Б.Анхбаяр "Археологи гэж юу?" сэдвээр, 

Соёлын өвийн үндэсний төвийн Түүх, соёлын үл хөдлөх дурсгал хариуцсан бүртгэл мэдээллийн санч Б.Бямбажаргал "Говьсүмбэр аймгийн Түүх, соёлын үл хөдлөх дурсгалын тоон дүн, мэдээлэл" сэдвээр, 

Соёл, Спорт, Аялал жуулчлал, Залуучуудын яамны Соёлын өвийн хадгалалт хамгаалалт, сэргээн засварлалтын бодлогын хэрэгжилтийг зохицуулах асуудал хариуцсан ахлах мэргэжилтэн П. Алдармөнх "Соёлын өвийн талаарх бодлого, чиглэл" сэдвээр, 

ШУА-ийн Археологийн хүрээлэнгийн Хүннү ба эртний улсуудын судалгааны салбарын эрдэм шинжилгээний ажилтан С.Энхболд "Өвөр Дэлгэрийн монгол булшны малтлага судалгааны үр дүнгээс" сэдвээр, 

МУИС-ийн Антропологи, Археологийн тэнхимийн багш Э.Мижиддорж, Б.Галбадрах нар "Говьсүмбэр аймгийн Их сансар уулын Улаан өндөр гэх газрын малтлага судалгаа" сэдвээр тус тус илтгэл хэлэлцүүлэв. 

Говьсүмбэр аймгийн "АРХЕОЛОГИЙН СУДАЛГАА 2020-2025" гэрэл зургийн үзэсгэлэн тайлант уулзалтыг Говьсүмбэр аймгийн Соёл, Урлаг, Аялал Жуулчлал, Залуучуудын газар, Соёл, Спорт, Аялал жуулчлал, Залуучуудын яам, Соёлын өвийн үндэсний төв, МУИС-ийн Антропологи, Археологийн тэнхим, Говьсүмбэр аймгийн Сүмбэр сумын ЗДТГазар, "Боржигин өв” музейн хамт олон, эрдэмтэн судлаачид хамтран зохион байгууллаа.