“ХААДЫН ХӨРӨГ” СОЁЛЫН ӨВИЙН ҮНДЭСНИЙ ТӨВД ЗАЛАРЛАА
Уран бүтээлч Дашзэвэгийн Амараа Дорнод монголын өргөн уудам тал нутгаар аялж, түүх, соёлын үл хөдлөх дурсгал болох хүн чулуун хөшөөдийг гэрэл зурагт буулгаж, олон нийтэд сурталчлан таниулдаг билээ. Тиймдээ ч "Хаадын хөрөг" гэрэл зураг, судалгааны үзэсгэлэнгээ 2020 онд Г.Занабазарын нэрэмжит Дүрслэх урлагийн музейд дэглэсэн байдаг.
XIII-XIV зууны Монголын үeд хамаарах хүн чулуудын гол төвлөрөл болсон Сүхбаатар аймгийн Онгон, Дарьганга, Наран, Эрдэнэцагаан сумдын нутаг дахь хүн чулуун хөшөөдийн гэрэл зургуудаа 2025 оны 3 дугаар сарын 31-ний өдөр Соёлын өвийн үндэсний төвд бэлэглэсэн юм.
Соёлын өвийг судлан шинжилж, хадгалан хамгаалах үүрэгтэй Соёлын өвийн үндэсний төвийн сан хөмрөгт өөрийн хүч хөдөлмөр, цаг хугацаагаа зарцуулан баримтжуулсан гэрэл зургуудаа бэлэглэсэн эрхэм таньд талархал илэрхийлье.
